Besan ki sondhi roti par
I like this song from my childhood, from the time when I hate the songs when they came between the movies.
Besan ki sondhi roti par
Khatti chatni jaisi maa
Yaad aati hai chauka-baasan
Chimta phukani jaisi maa
Baans ki khurri khaat ke oopar
Har aahat par kaan dhare
Aadhi soyee aadhi jaagi
Thaki dopahari jaisi maa
Chirdiyon ke chahakaar mein gunjey
Raadha-mohan ali-ali
Murghe ki awaaz se khulti
Ghar ki kundi jaisi maa
Biwi, beti, behan, pardosan
Thordi thordi si sab mein
Din bhar ek rassi ke oopar
Chalati natni jaisi maa
Baant ke apna chehra, maatha,
Aankhien jaane kahaan ga-yin
Phatey puraane ek album mein
Chanchal lardki jaisi maa